АҚШ-тағы Қытай елшісі коронавирус қолдан жасалған деген болжамға қатысты жауап берді
![Pixabay, сурет - Zakon.kz жаңалық 10.02.2020 21:51](https://kaz.zakon.kz/pbi/WEBP/2023-12-20/file-0a52eb2d-724c-4dd5-b4db-77e7c7e15999/800x452.webp)
Бұл - нағыз сандырақтың сөзі.
Америка Құрама Штаттарындағы Қытай елшісі Цуй Тянькай коронавирустың жаңа түрі биоқару ретінде әзірленген деген болжамға қатысты пікірін білдірді, деп хабарлайды zakon.kz.
9 ақпанда CBS телеарнасына берген сұқбатында Қытай елшісі Цуй Тянькай "коронавирустың жаңа түрі ҚХР немесе АҚШ әскери зертханаларында арнайы биоқару ретінде жасалған" деген қауесетті жоққа шығарды.
- Бұл - нағыз сандырақтың сөзі, - деді ол.
Дегенмен елші бұл індеттің неден таралғаны әлі зерттеліп жатқанын айтты.
- Жануардан жұққан дегенге ғалымдар сүйеніп отыр, бірақ оны әлі зерттеу керек, - дейді ол.
Қазіргі уақытта коронавирустан көз жұмғандардың саны 908-ге жетсе, оны жұқтырғандардың саны 40 мыңнан асқан.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript