Қордай ауданында полиция қызметкерлеріне жабылған ағайындылар қамауға алынды

Қордай ауданының полиция қызметкерлеріне күш қолдануға қатысты іс бойынша тергеу аяқталды, деп хабарлайды zakon.kz.

2020 жылы 7 ақпанда Жамбыл облысы, Қордай ауданы, Сортөбе ауылында кезекшілік қызметін атқарып жүрген жол полициясы қызметкерлері Воингуй деген азамат тізгіндеген Honda Odyssey көлігін тоқтатқан. Тексере келе, көлік құжаттары болмаған көлік иесінен полиция бөліміне еріп жүру сұралған. Алайда полицияның бұл талаптарын орындамаған ол өз үйіне тартқан. Үйі алдында ағалары Воингуй А. және Воингуй М. – бәрі бірге полиция қызметкерлеріне күш қолданған, делінген ҚР Бас прокуратурасының таратқан ақпаратында.

Аталған факті бойынша Бас прокуратураның арнайы прокуроры Қылмыстық кодекстің 380-бабы 1-бөлігі, яғни "Билік өкіліне қатысты күш қолдану" бойынша сотқа дейінгі тергеу ісін жүргізді.

Үш айыпталушы кінәсін толық мойындап, тергеу сотының келісімімен қамауға алынды. 14 ақпанда қылмыстық іс айыптау актісімен Қордай аудандық сотына жіберілді, деп хабарлады құзырлы ведомствадағылар.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021