Бақауовтың бұрынғы орынбасарына Үкімет Кеңсесінен лауазымды қызмет бұйырды
primeminister.kz
ҚР Премьер-министрінің Өкімімен Қабыкенов Арыстан Кенжетайұлы ҚР Премьер-министрі Кеңсесі басшысының орынбасары қызметіне тағайындалды, деп хабарлайды zakon.kz.
Үкіметтің ресми сайтында дерекке сүйенсек, Арыстан Қабыкенов 1980 жылы 11 қазанда Жезқазған қаласында дүниеге келген. 2002 жылы Байқоңыров атындағы Жезқазған университетін, 2004 жылы — КИМЭП, 2012 жылы Ноттингем университетін (Ұлыбритания) тәмамдаған.
Еңбек жолын 2001 жылы жекеменшік секторда бастаған.
2004–2006 жылдары Қаржы министрлігінде түрлі лауазымдарда болды. 2006–2008 жылдары ҚР Премьер-Министрі Кеңсесінің Макроэкономикалық талдау және бағдарламалық мониторинг бөлімінің сектор меңгерушісі қызметін атқарды. 2008–2011 жылдары ҚР Президенті Әкімшілігінде жұмыс істеді.
2011–2015 жылдары ҚР Президенті жанындағы Стратегиялық жобалар және талдау орталығында, Өңірлік даму министрлігінде, сондай-ақ Ұлттық экономика министрлігінде қызмет еткен.
2015–2016 жылдары ҚР Премьер-Министрі Кеңсесінің басшысының орынбасары болған.
2016 жылдың қазан айынан бастап 2018 жылғы қаңтар айына дейін Қазақстанның Жапониядағы елшілігінің кеңесшісі қызметін атқарған.
2018-2019 жылдары Қазақстан Республикасы инвестициялар және даму вице-министрі болып қызмет етті.
2019 жылдың наурыз айынан қазірге дейін Павлодар облысы әкімінің орынбасары лауазымында болды.
