Мария Шарапова карьерасын аяқтады

32 жасында тенниспен қош айтысты.

26 ақпанда Vanity Fair сайтында орыс теннисшісі Мария Шарапованың спорттық карьерасын аяқтағаны туралы ақпарат шықты.

32 жастағы Шарапова 28 жылдан бері теннисте жүрген.

Оның еншісінде Уимблдон (2004), US Open (2006), Australian Open (2008) және "Ролан Гаррос" (2012, 2014) кубоктары бар.

Қазір Мария WTA рейтингінде 145-ші орында тұр. 2016 жылы ол допингпен ұсталып, 15 айға жарыстардан шеттетілген. Соңғы кездері жарақаттарына байланысты турнирлерге тым сирек қатысып келген.