Петропавлдықтар рубльді жаппай сатып алып жатыр

Рубль бағамы 5 жарым теңгеге дейін түсіп кеткен.

Петропавлдықтар жаппай Ресейдің рублін сатып алып жатыр. Оның бағамы арзандап, 5 жарым теңгеге дейін түсіп кеткен, деп хабарлайды "Хабар-24".

Ал долларға деген сұраныс төмен. Қазір АҚШ доллары 401 теңгеге жетті. Бірақ валюта айырбастау орындарында ұзын-сонар кезек байқалмайды.

Кәсіпкерлердің айтуынша, адамдар дүйсенбі күні көп болған. Жалпы, Қазақстан бойынша доллардың орташа бағамы бірдей. Шамамен - 396 теңге. Кейбір қалаларда АҚШ доллары жоқ. Мәселен, Павлодарда тек сатып алу жүріп жатыр.

- Маған оның айырмашылығы жоқ. Зейнеткермін. Қазір жарыммен ақшамызды рубльге ауыстырып, Ресейге немерелерімізге барып келеміз. Қымбаттай ма, арзандай ма, алатыным сол зейнетақы.

- Аз-маз доллар сатып алдым. Қазіргі әлемдегі саяси жағдайға байланысты ол тағы да өседі деп ойлаймын.