Біртанов қазақстандық судьяның коронавирус жұқтырғаны туралы ақпаратқа түсініктеме берді

Министр өздеріне ондай ақпарат келіп түспегенін айтты.

Денсаулық сақтау министрі Берлинде коронавирус жұқтыруы мүмкін Нұр-Сұлтан судьясы туралы ақпаратты растамады, деп хабарлайды zakon.kz.

Менде әлі ондай ақпарат жоқ, мен оны растай алмаймын, - деді ол.

Министр Германияда коронавирус жұқтырған қазақстандық бар екенін атап өтті.

Сыртқы істер министрлігіне алдын-ала ақпарат бойынша, бізге Германияда жүрген Қазақстан азаматы коронавируспен ауырып қалды деген ақпарат келіп түсті. Осыған байланысты онымен байланыста болған 12 адам карантинге жатқызылды, - деді ол.