Нұр-Сұлтаннан коронавирустың тағы 14 дерегі анықталды

Ол адамдар оқшауланды.

Елімізде коронавирустың 14 жаңа дерегі тіркелгені белгілі болды, деп хабарлайды zakon.kz.

Бұл туралы брифингте Денсаулық сақтау министрі Елжан Біртанов мәлімдеді. Оның айтуынша, Нұр-Сұлтанда тағы жаңа 14 факт анықталды.

"Нұр-Сұлтан қаласында коронавирус бойынша тағы жаңа 14 дерек тіркелді. Олар оқшауланып, карантинге жатқызылды. Олармен байланыстағы адамдар анықталды. Қазір оларды оқшаулап, карантинге жатқызу жұмыстары жүргізіліп жатыр", - деді Біртанов.

17 наурыз күні таңертең Алматыда коронавирустың үш жаңа фактісі белгілі болды. Оның біреуі - екі жасар бала, тағы екеуі - ер адамдар.

Бүгінгі таңда Қазақстанда коронавирустық инфекцияның 27 жағдайы тіркелген. Оның ішінде Алматыда - 11 , Нұр-Сұлтанда - 16.