Алматыда 27 дәрігер коронавирус жұқтырған
Алматы әкімдігінің баспасөз қызметі
Өткен тәулікте Алматыда коронавирусты жұқтырудың тағы 27 жаңа жағдай тіркелді. Олардың барлығы - медицина қызметкерлері, деп хабарлады Алматы қоғамдық денсаулық сақтау департаментінің басшысы Тілеухан Әбілдаев онлайн-брифинг барысында, деп хабарлайды zakon.kz.
Оның айтуынша, олардың - 21-і әйел адам, онда да біреуінің аяғы ауыр және алтауы - ер адам. Медициналық қызметкерлердің екуінің жағдайы полисегментальды пневмонияға байланысты ауыр деп бағаланады, ал қалғандарының жағдайы қанағаттанарлық деңгейде.
Коронавирус диагнозы қойылған 20 қызметкер қалалық жедел клиникалық аурухананың қызметкерлері, олар шұғыл медициналық көмек көрсету қызметінде жұмыс істеген. Тағы 7 адам - балалар инфекциялық аурулары ауруханасының қызметкерлері, олардан алынған 4 сәуірдегі алғашқы сынақ нәтижесі теріс болып шықты.
Әдетте, бұл әртүрлі патологиясы бар науқастар, олардың арасында аурудың белгісі білінбеген науқас болып, содан дәрігерлер ауру жұқтыруы мүмкін. Қазіргі уақытта аталған факті бойынша эпидемиологиялық тексеру жүргізілуде. Сонымен қатар, медицина қызметкерлерін тексеру үшін барлық шаралар жүргізіліп жатқандығын қоса айтқым келеді. Сонымен қатар, эпидемияға қарсы шаралар барлық қалалық емханаларда күшейтіліп, барлық қызметкерлер коронавирусқа тексеруден өткізілді, - деп түсіндірді Әбілдаев.
Жалпы, жұқпалы аурулар ауруханасында қазіргі уақытта 122 адам жатыр. 13 сәуірдегі жағдай бойынша Алматыда коронавирус инфекциясының 172 расталған жағдайы тіркелді.
Бұған дейін Алматыдағы Орталық қалалық клиникалық аурухананың қабылдау бөлмесі мен жекелеген бөлімдеріне карантин қойылғандығы туралы хабарлаған.
