Алматыда коронавирустан 1 адам көз жұмды
ҚР ДСМ
Коронавирус инфекциясынан Алматы қаласында 1 адам көз жұмды, деп хабарлайды zakon.kz.
Ол 1964 жылғы азаматша.
Алматы қаласының Қоғамдық денсаулық сақтау басқармасының мәліметінше, КВИ 17 сәуірде анықталды.
Қосымша диагноздары: созылмалы бүйрек ауруы, ренальді анемия, созылмалы ағыммен жүйелі қызыл жегі, қант диабеті, екі жақты полисегментарлы пневмония.
22 сәуірде жүргізілген инвазивті емес жасанды желдету тиімсіз болуына байланысты инвазивті ӨЖЖ ауыстырылды. Сондай-ақ, бағдарламалық гемодиализ сеансын алды..
Бүгін жүргізілген емге қарамастан, полиорган жетіспеушілігінің белгілері өршіп, сағат 06:30-да қан айналымы тоқтады.
30 минут ішінде өткізілген реанимациялық іс-шаралар сәтті болмады.
Сағат 07:00-де биологиялық өлімді анықталды.
Қорытынды диагноз: расталған COVID-19, ауыр ағым және жоғарыда аталған қосымша аурулар.
Қазақстанда COVID-19-дың кесірінен барлығы 20 адам қайтыс болды.
