Талғар – Ұзынағаш. Үлкен Алматы айналма жолының жоспары

ҚР ИИДМ

ҚР Индустрия және инфрақұрылымдық даму министрлігінің парақшасында Үлкен Алматы айналма автомобиль жолының жоспары жарияланды, деп хабарлайды zakon.kz.

Үлкен Алматы айналма автомобиль жолы Алматы қаласы орталығынан 20-25 шақырым жердегі Қарасай, Іле және Талғар аудандарының аумақтарына жататын қала маңы аймағында орналасқан.
Тасжол Қырғауылды елді мекеніндегі "Алматы – Ұзынағаш" автомобиль жолымен, Райымбек елді мекенінде "Алматы – Бішкек" автомобиль жолымен, Ақсеңгір бекеті маңында "Бұрындай – Шамалған" автомобиль жолымен, сондай-ақ, "Алматы – Комсомол", "Алматы – Қапшағай", "Алматы – Байсерке" автомобиль жолымен, Құлжа тасжолымен қиылысып, "Алматы – Талғар" автомобиль жолымен қиылыста аяқталады.

Жоба аясында 7 көліктік жол айырығы, 20 көпір мен 20 жол өтпелі салынатын болады.