Елордалық студенттердің оқу ақысын төлеу мерзімі ұзартылды

Сондай-ақ студенттер ай сайын мемлекеттік стипендия алады.

Елордада арнаулы орта оқу орындарының мыңнан астам студентінің оқу ақысын төлеу мерзімі ұзартылды, деп хабарлайды zakon.kz.

Нұр-Сұлтан қаласы әкімдігінің ресми сайтындағы мәліметке сүйенсек, колледж әкімшілігіне өтініш білдірген мыңнан астам студентке оқу ақысының уақыты 2020 жылдың тамыз айына дейін ұзартылды.

"Студенттер ай сайын мемлекеттік стипендия алады. Бүгінде колледж әкімшілігіне өтініш білдірген мыңнан астам студентке оқу ақысының уақыты 2020 жылдың тамыз айына дейін ұзартылды", – деп хабарлады Нұр-Сұлтан қалалық білім басқармасы.