Әбдіқалықова Әйелдер істері жөніндегі ұлттық комиссия құрамынан шығып қалды
yandex.com
Қасым-Жомарт Тоқаев "Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссия туралы" Қазақстан Республикасы Президентінің 2006 жылғы 1 ақпандағы № 56 Жарлығына өзгерістер енгізу туралы Жарлыққа қол қойды, деп хабарлайды zakon.kz.
Оған, негізінен, мынадай өзгерістер енгізілді:
Жоғарыда аталған Жарлықпен бекітілген Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның құрамында:
"Сүлеймен Ләззат Жаңылысқызы - Қазақстан Республикасы Парламенті Сенатының депутаты, төраға орынбасары (келісім бойынша)" деген жолдың алдында мынадай мазмұндағы жолмен толықтырылсын:
"Рамазанова Лаззат Керімқұлқызы – Қазақстан Республикасы "Атамекен" ұлттық кәсіпкерлер палатасы төралқасының мүшесі (келісім бойынша), төраға";
"Рамазанова Лаззат Керімқұлқызы – Қазақстан Республикасы "Атамекен" ұлттық кәсіпкерлер палатасы басқарма төрағасының орынбасары (келісім бойынша)" деген жол алып тасталсын;
аталған Комиссияның құрамынан Г.Н.Әбдіқалықова шығарылсын.
Осы Жарлық қол қойылған күнінен бастап күшіне енеді.
