Алматы әуежайын түрік холдингі сатып алды

Халықаралық Алматы әуежайы акцияларының 100 пайызын TAV Airports Holding атты түрік холдингі сатып алды, деп хабарлайды zakon.kz TAV әуежайларының сайтына сілтеме жасап.

Дереккөздің хабарлауынша, TAV Airport Airport холдингі Алматы халықаралық әуежайының акцияларының 100 пайызын сатып алған. Бұл мәміленің құны - 415 миллион доллар. Консорциумдағы TAV Airports-тың үлесі кем дегенде 75 пайызды құрайды, ал акцияларды өткізіп алу процесі барлық заңды рәсімдер аяқталғаннан кейін жүзеге асырылады. Алматы әуежайы - TAV Airports түрік холдингінің қоржынындағы 15-ші жоба.

Холдингтің президенті және бас директоры Сани Шенердің айтуынша, Қазақстан - географиялық жағынан да, экономикалық жағынан да аймақтағы ең үлкен ел.

- Алматы - елдегі ең үлкен қала, ол ІЖӨ-нің 20 пайызын құрайды. Сонымен қатар, бұл - Қытайды, Еуропа мен Африканы байланыстыратын қазіргі заманғы Жібек жолының орталығы. Оның әлеуеті зор және біз білімімізге сүйене отырып, оны толық игеруге барымызды саламыз, - деп атап өтті Сани Шенер.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021