Қазақстан мен Өзбекстан трактор құрастыра бастайды
lsm.kz
Түркістан облысында ауыл шаруашылығы техникасын құрастыру жолға қойылуы мүмкін. Жобаның құны шамамен 12 млн долларды құрайды, деп хабарлайды zakon.kz LS-ке сілтеме жасап.
Түркістан облысы әкімдігінің ақпаратынша, әкімдік, "Узагротехсаноатхолдинг" және Orbis Kazakhstan арасында инвестициялық келісімдер мен ауыл шаруашылығы техникасын құрастыру жобасының жол картасы жасалған. Жоба Turkistan индустриалдық аймағындағы Brownfield алаңында жүзеге асырылады деп жоспарланған. Жүзеге асырылуы үш кезеңге бөлінген.
"Инвестицияның жалпы көлемі шамамен 12 млн долларды құрайды. Өндіріс толық қуатына шыққанда шамамен 100 жұмыс орны ашылады", – делінген хабарламада.
Кәсіпорында болашақта қуаты 110 аттың күшін құрайтын әмбебап жер жыртатын трактор, қуаты 80 атқа тең мақта шаруашылығына арналған машина, 4 тоннаға дейін көтеретін трактор прицептері, роторлы шалғы, вентиляторлы бүркуіш, қопсытқыш пен түрлі соқалар құрастырылмақ.
Облыс басшысы Өмірзақ Шөкеев ел бойынша 185 мың дана ауыл шаруашылығы техникасының орта есеппен 76% тозған дейді. Ал облыста 19 мың дана техниканың 83-і тозған.
