Алматыда кафе өртеніп жатыр

Ішінде адамдардың бар-жоғы барлануда.

Алматыда Назарбаев даңғылының бойында кафе өртеніп жатыр, деп хабарлайды zakon.kz.

Қалалық ТЖД ақпаратынша, 3 маусымда сағат 11:05-те түтіннің шыққаны туралы хабар алған өрт сөндірушілер Алмалы ауданына аттанды.

Кафе Назарбаев, 43/1 мекенжайында орналасқан.

Өрт орнына сағат 11.11-де жеткенде (6 минут) - бес қабатты тұрғын үйге жапсарлас салынған екі қабатты кафе ғимаратының астыңғы қабатынан түтін шығып жатты. Ішінде адамдардың бар-жоғы барлануда, - деді ТЖД өкілдері.