Қырғыздар пневмония мен коронавирусқа қатысты статистиканы біріктірді

Қырғыз Республикасы үкіметінің баспасөз қызметі

Бұл бірыңғай емдеу тәсіліне жүгіну үшін жасалған.

Қырғыз елі коронавирус пен пневмониядан үйінен емделгендердің статистикалық мәліметтерін біріктіреді, деп хабарлайды zakon.kz 24.kg-ге сілтеме жасап.

Бұл шешімді арнайы брифингте ел премьер-министрінің орынбасары Аида Исмаилова айтты. Оның сөзіне қарағанда, көбінесе COVID-19 және пневмониямен ауырып, үйінен ем алған науқастар туралы статистиканы бірыңғай ету туралы мәселе туындайды. Ол Денсаулық сақтау министрлігі стационарлық және амбулаторлық көмекке коронавирус инфекциясын және оның асқынуларын, оның ішінде пневмонияны емдеудің үшінші клиникалық ережелерін бекіткенін атап өтті.

Оның айтуынша, ДДҰ қабылдаған МКБ-10 ауруларының халықаралық классификациясына сәйкес, коронавирус төтенше жағдайларда қолданылатын 07 класына жатады.

- Егер ауру зертхана нәтижесімен расталса, онда оған U-07.1 коды беріледі. Егер зертхана нәтижесі болмаса, бірақ клиникалық белгілері және рентгенологиялық дәлел болған жағдайда, ол U-07.2 кодымен жазылады. Коронавирус инфекциясының көріністерін емдеудің біртұтас тәсілін белгілеу үшін Денсаулық сақтау министрлігі бұйрық шығарды, оған сәйкес пневмония екінші кодқа жатады. Осы жағынан алғанда, үйден емделетін пневмония COVID-19 дертінің көрінісі болып саналады, - деді Исмаилова.

Оқи отырыңыз