42 500 теңгені алуға келісесіз бе? Қазақстан азаматтарына SMS хабарлама келе бастады
Ашық дерекөздерден алынды
Инстаграмдағы бір парақшада карантинге байланысты кейбір кәсіпорындардың қызметін тоқтата тұруына байланысты шілде айына тағайындалған 42 500 теңге төлемі туралы SMS хабарламаның скриншоты жарияланды, деп хабарлайды zakon.kz.
Бұл скриншоттың астындағы жазбада желі қолданушылары осыған ұқсас хабарламаларды ала бастағанын айтады. Бірақ әлі SMS алмаған адамдар да бар.
Естеріңізге сала кетейік, 17 шілдеден бастап біржолғы төлем - 42 500 теңгеге өтініш қабылдау басталды. Өтініштерді қабылдау мерзімі 1 қыркүйекке дейін созылады, сондықтан барлық мұқтаж адамдар шілде айына дейін жеңілдіктерге қол жеткізе алады. Еңбек министрі Біржан Нұрымбетов мәлімдегендей, көптеген адамға әлеуметтік төлем автоматты түрде тағайындалады. Яғни, төтенше жағдай кезінде бұрын 42 500 теңге алған адамдардың бірыңғай дерекқоры қайта қаралғаннан кейін жұмыс таппаған кейбір адамдарға жәрдемақы тағайындау туралы SMS хабарлама жіберіледі. Егер осындай хабарлама ұялы телефоныңызға келіп түссе, онда жауап хабарында 1 нөмірін жіберу арқылы мәртебеңізді растауыңыз керек.
