Ресей элитасы сәуір айында коронавирусқа қарсы вакцина алып алған - Bloomberg
Pixabay
Ресейде ондаған бизнес және саяси элита өкілдері сынаққа арналған COVID-19 вакцинасын ертерек салдырып алған. Бұл туралы Bloomberg өз дерек көздеріне сілтеме жасап жазады, деп хабарлайды zakon.kz.
Басылымның мәліметінше, компаниялардың топ-менеджерлері, миллиардер магнаттар және мемлекеттік шенеуніктер вакцина алып алған.
"Ресейдің мемлекеттік тікелей инвестициялар қоры қаржыландыратын және әскерилерді қолдауға арналған вакцина өткен аптада ресейлік әскери қызметкерлерге сыналған бірінші кезеңі аяқталды. Шамамен 40 адам қатысқан зерттеу нәтижелерін институт жарияламады, бірақ одан да көп топқа сынақ жүргізудің келесі кезеңі басталды", деп жазады басылым.
Сондай-ақ, Кремльдің баспасөз өкілі Дмитрий Песков Владимир Путиннің және басқа саясаткерлердің вакцина алған-алмағандығы жөніндегі сұраққа жауап бермеді, деп хабарлайды агенттік.
Әлемде жұқтыру көлемі бойынша төртінші орын алатын Ресейде КВИ-дің 750 мыңнан астам жағдайы тіркелді.
Ресейлік бизнес және саяси элитаның мүшелеріне сынаққа арналған вакцинаның дозасын ерікті түрде қабылдауға мүмкіндік берген бағдарлама - заңды, бірақ ол құпия сақталуда, өйткені сынақ әлі аяқталмай жатып сұраныс күрт көтеріліп кетуі мүмкін деген қауіп бар.
Басылымның ақпараты бойынша, бағдарламаға бірнеше жүздеген адам қатысуда. Бұл вакциналарды ондаған адам алып үлгерген, бірақ олардың бір де бірі баспасөзде аттарын жариялауға рұқсат бермеген.
Вакцина алушылардың қалай таңдалғаны белгісіз. Ол үшін олардан ешқандай ақы алынбаған және келісімшартқа қол қойған, олар өздеріне қатысты қауіп туралы біледі. Вакцинаны алған топ-менеджерлердің бірі оның жанама әсерлері болмағанын айтты. Ол әдеттегідей іскерлік кездесулер өткізіп, қалыпты өмір сүру үшін тәуекелге бел буғанды жөн көрген. Ал вакцинаны алған басқалары инъекциядан кейін ыстығы көтеріліп, бұлшық еттері ауырғанын айтады, деп жазады басылым.
