Цой карантиндік шараларды кезең-кезеңімен жұмсартуға болатынын айтты
Литер
Үкімет отырысында ҚР Денсаулық сақтау министрі Алексей Цой еліміздегі коронавирустың таралу көлемі туралы айтты, деп хабарлайды zakon.kz.
Оның айтуынша, қатаң карантин енгізілген сәттен бастап, яғни 5 шілдеден бастап коронавирус жұқтырудың 35 951 жағдайы тіркелді, осылайша аурудың таралу қарқыны 29% төмендеді.
Күніне орта есеппен 1 600 адам КВИ жұқтыруда, ал ауруханада науқастармен қамтылған орындар 43% төмендеді. Денсаулық сақтау саласына түскен ауыртпалықтың негізгі көрсеткіштерінің төмендеуіне қол жеткізілді.
Карантиннің үш аптасында инфекцияның көбею деңгейі 1,2-ден 0,90-ға дейін төмендеді. 90% қамтылған төсек-орындар 47% -ға дейін төмендеді.
- Денсаулық сақтау жүйесіне түскен ауыртпалықтардың негізгі көрсеткіштерінің жоғарыда көрсетілген оң динамикасы карантиндік шараларды кезең-кезеңімен азайту мүмкін екенін көрсетеді, - деді Цой.
COVID-19 -ды жұқтыру мен өлім жағдайын одан әрі қарай тұрақтандыру экономиканың барлық секторларының тартылуы мен үйлесімді жұмысына байланысты.
