Қазақ ғалымы сынақ үшін коронавирустан екпе салдыртып алды

Алматыдағы Қазақ Ұлттық аграрлық университеті жанындағы Халықаралық вакцинология орталығында коронавирусқа қарсы вакцина салынды, деп хабарлайды "Хабар 24".

Алғашқы вакцинаны орталық директоры Қайсар Табынов алды. Препаратқа COVAX-19 атауы беріліпті. Австралияда жасалған вакцина клиникалық сынаманың бірінші фазасынан өткен. Бірақ, бір қызығы, аталған вакцинаға Денсаулық сақтау министрлігінің ешқандай қатысы болмай шықты. Олар екпені елге кіргізуге министрлік тарапынан ешқандай рұқсат берілмеді деп отыр.

Бағдат Қожахметов, ҚР денсаулық сақтау министрлігінің ресми өкілі:

– Ресми түрде аграрлық университеттің зерттеу орталығы бар. Олардан Денсаулық министрілігінің бірде бір ұсыныс түспеген. Яғни ресми түрде Денсаулық министрлігі клиникалық зерттеулерге рұқсат бермеген. Негізі, бұл ұжым немесе кез келген жеке тұлға өзінің жауапкершілігімен өзі істеуге құқы бар. Егер ол басқа адамдарға зиянын тигізіп жатса, онда органдар қосылуы мүмкін.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021