1 қыркүйектен бастап оқушылар онлайн мектепте сабақ оқиды
BMG
Онлайн мектеп дегеніміз не? Осы сауал ата-аналарды көп алаңдатады. Балалар Интернет арқылы мектепте оқыған кездегідей білім ала ала ма? Бұл сұрақтарға Bilim Media Group (BMG) директоры Санжар Кенжеханұлы жауап берді. Ол қашықтықтан оқыту саласының қазақстандық жетекші командасын басқарады. Еліміздегі оқушылардың көпшілігі осылардың онлайн платформаларында онлайн режимде сабақ оқиды.
- Біз 4-тоқсандағы барлық сын мен ескертпелерді ескердік және Назарбаев Зияткерлік мектептерімен (НЗМ) бірлесе отырып, жаңа, қолдануға ыңғайлы, қашықтықтан оқытудың заманауи платформасын - OnlineMektep.org құрдық. Бір жағынан, ол барлық мектеп процестерін цифрландырды, бірақ сонымен бірге технологияның арқасында оқушылардың мүмкіндіктерін кеңейтті. Нақтырақ айтсақ, бірінші тоқсанның өзіне біз 42 пән бойынша 5,5 мыңнан астам жаңа электрондық сабақ пен 140 мыңнан астам интерактивті жаттығулар жасап, дайындадық. Бұл жұмысқа НЗМ-ден 500-ден астам мұғалім және 250 маман қатысты. Олар жаз бойы барлық тақырыптар мен тапсырмалар бойынша жұмыс істеді, әр сөзге мән берілді.
Платформаның функционалдылығы - өте бай, бірақ сонымен бірге интуитивті және қарапайым. Әр сабақта тақырыптың түсіндірмесі бейне немесе синопсис түрінде және 9 қиындық деңгейіне бөлінген адаптивті оқыту технологиясы бойынша интерактивті жаттығулардан тұрады. Жаттығулар балаға бейімделіп, кезең-кезеңмен ілгерілеуге әкеледі. Әр оқытушы мен оқушының жеке аты-жөні мен паролі болады. Порталда мұғалім сабақ барысымен синхронды бейнеконференция форматында сабақ өткізе алады, ал егер оқушыда сұрақ туындаса, мұғаліммен чат арқылы жеке сөйлесе алады. Әр сабақ жазылып, асинхронды форматта, яғни оқушымен жекелей жұмыс ітеуге бейімделген.
Мұнда сабақ кестесі, бағалар, оқушыларды ынталандыру және ынталандыру элементтері де бар. Функционалдылық әртүрлі болды. Сондықтан біз барлық ата-аналарды сынып жетекшісінен баласының логинін сұрап, өздері де OnlineMektep.org-ке кіріп, оны қолданып көруге шақырамыз. Біздің мына видео OnlineMektep-пен танысуға және оны тез түсінуге мүмкіндік береді.
Біздің платформамыз бен мазмұны ата-аналарға қиын кезеңде балаларына қолдау көрсетуді жеңілдететініне сенімдімін. Біз оны ары қарай дамытуды жалғастырамыз және мұғалім мен оқушыларға көмектесу үшін қолдан келгеннің бәрін жасаймыз.
Платформаны жасаушылар ата-аналарға жеке вебинар өткізетінін, онда барлық сұрақтарға жауап алуға мүмкіндік барын хабарлайды. 24 тамызда астана уақытымен 10: 00-де www.onlinemektep.org порталының мамандары @ bilimland.kz Инстаграм парақшасында тікелей эфир өткізеді. Қызығушылық танытқан барлық ата-аналар оған қатыса алады.
