Жаңалықтар тізбегі
0

Қазақстанда жатыр мойны қатерлі ісігімен ауырған әйел босанды

Қазақ онкология және радиология ҒЗИ Қазақ онкология және радиология ҒЗИ
Салмағы 2430 грамм, бойы 46 сантиметр болатын бала дүниеге келді.

Қазақстанда алғаш рет жатыр мойны қатерлі ісігінен жазылған әйел босанды. Осыдан 10 жыл бұрын науқас N-ге гинекологиялық қатерлі ісік диагнозы қойылған болатын. Сол кезде ҚР ДСМ "Қазақ онкология және радиология ғылыми-зерттеу институты" АҚ-ның мамандары науқасқа ағзаны сақтап қалу отасын жасады, сол арқылы әйелге ана болу мүмкіндігін сақтап қалды, деп хабарлайды zakon.kz.

"Осыншама жылдар бойы науқас жүкті болуға деген үмітін өшірген емес. Көп ұзамай таңғажайып жағдай орын алды. Ақпан айында ол маған қоңырау шалып, жүкті екендігі туралы қуанышты жаңалығын айтты! Науқасты жүктілігінің ерте мерзімінен бастап босанғанға дейін кезеңде әйелдер консультациясының дәрігерлері, ИРМ, Перинатология және балалар кардиохирургиясы орталығының дәрігерлері және біз онкологтар бақылауда ұстады. Науқаста түсік тастау және мерзімінен бұрын босану қаупі бар болғандықтан, ИЖМЖ (истмико-жатыр мойны жеткіліксіздігі, яғни истмус пен жатыр мойнының сәтсіздігі) түзетуі жасалды. 2020 жылғы 19 тамызда әйел көптен күткен ұлын босанды. Қазақ онкология және радиология ғылыми-зерттеу институтында жаңа технологияларды, оның ішінде гинекологиялық қатерлі ісік кезінде ағзаны сақтау оталарын енгізу үшін барлық жағдай жасалған", – деді "ҚазОжРҒЗИ" АҚ-ның онкогинекология орталығының басшысы Ерлан Кукубасов.

"ҚазОжРҒЗИ" АҚ жағдайында науқасқа кесар тілігі жасалды.

Салмағы 2430 грамм, бойы 46 сантиметр болатын бала дүниеге келді. Ана мен баланың жағдай жақсы болғандықтан үйге шығарылды.

Қазақстанда жыл сайын жатыр мойны обырымен ауыратын 1800-ге жуық жаңа науқас анықталады және бұл аурудан 600-ге жуық әйел қайтыс болады.

Гинекологиялық обырдың, оның ішінде жатыр мойны обырының алдын алу үшін әйелдерге жыл сайын гинекологтан тексеру ұсынылады. Сондай-ақ, 30 жастан 70 жасқа дейінгі Қазақстан әйелдеріне жатыр мойны обырына тегін скринингтен өтуге болады. Скрининг тұрғылықты (тіркелген) жері бойынша емханаларда жүргізіледі.

"Қазақстанда 10 жылдан астам уақыт бойы жатыр мойны патологиясын ерте анықтау үшін тегін онкоскрининг жүргізілуде. Яғни, 30 жастан бастап әр әйел жыл сайын онкоцитологияға (пап-тест) жағынды тапсыруы керек. Бұл кез – келген емханада тегін жасалады. Сондай - ақ, жатыр мойны обырының алдын алу мақсатында гинекологтың қарау кабинетінде кәсіби тексеруден өтуге болады. Мұны үнемі жасап отыру керек", - дейді "ҚазОжРҒЗИ" АҚ-ның Басқарма Төрайымы, ҚР ДСМ бас онкологы, м.ғ.д., Диляра Қайдарова.

Сондай-ақ, Қазақстанның вакцинация күнтізбесіне әйелдердің жатыр мойны обырын тудыратын адамның папилломавирусына (HPV) қарсы егу енгізілген. Вакцинация жыныстық белсенділіктің алдында жасалуы керек. HPV вакциналары ерікті және тегін болады.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: