Министрліктегі жауапты хатшылар 830 мың теңгеге дейін жалақы алады

Қазіргі уақытта Қазақстанның 15 министрлігінде жауапты хатшы бар.

Жауапты хатшының айлық жалақысы 685 мыңнан басталып, 830 мың теңге аралығын құрайды. Бұл туралы бүгін үкіметте өткен баспасөз мәслихатында ҚР Премьер-министрінің орынбасары Ералы Тоғжанов айтты, деп хабарлайды zakon.kz.

Министрлікке қарасты жауапты хатшы лауазымындағылардың жалақысы бүгіндері орташа есеппен 685 мың теңгені құрайды. Ал еңбек өтіліне байланысты айына 815-830 мың теңгеге дейін арасында алатындар да бар, - деді ол.

Үкімет басшысының орынбасары жұмыстан шығарылған жауапты хатшылардың мәселесін министрліктердің басшылары мен Президент шешетіндігін айтты.

Қазіргі уақытта Қазақстанның 15 министрлігінде жауапты хатшылар бар.