Президент Тоқаев Елбасы Назарбаевтың 20 жыл бұрынғы Жарлығына өзгеріс енгізді
![Pixabay, сурет - Zakon.kz жаңалық 08.09.2020 14:52](https://kaz.zakon.kz/pbi/WEBP/2023-12-20/file-1667499a-b645-45f9-b68a-17a010342bb2/800x452.webp)
ҚР Президенті Қасым-Жомарт Тоқаев "Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясын тағайындау туралы" Қазақстан Республикасы Президентінің 2000 жылғы 3 сәуірдегі № 369 Жарлығына өзгеріс енгізу туралы Қаулыға қол қойды, деп хабарлайды zakon.kz Ақордаға сілтеме жасап.
1. "Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясын тағайындау туралы" Қазақстан Республикасы Президентінің 2000 жылғы 3 сәуірдегі № 369 Жарлығына (Қазақстан Республикасының ПҮАЖ-ы, 2000 ж., № 18, 185-құжат) мынадай өзгеріс енгізілсін:
1-тармақ мынадай редакцияда жазылсын:
"1. Қазақстан Республикасының Тұңғыш Президенті – Елбасының мәдениет саласындағы жыл сайынғы 75 мемлекеттік стипендиясы айына 55 еселенген айлық есептік көрсеткіш мөлшерінде тағайындалсын."
2. Осы Жарлық қол қойылған күнінен бастап қолданысқа енгізіледі, делінген Қаулыда.