Air Astana Ташкентке тұрақты рейстерді жандандырады
abilet.kz
2020 жылдың 11 қыркүйегінен бастап "Эйр Астананың" Алматыдан Ташкентке ұшатын тікелей рейстері қайта іске қосылып, әрі қарай бейсенбі күндері аптасына бір рет орындалады, деп хабарлайды zakon.kz.
Өзбекстанға келген барлық жолаушылар коронавирус жоқтығын растайтын анықтамасын ұшып шыққанға дейінгі 72 сағаттан аспай алуы керек, сондай-ақ, Ташкентке келгенде 14 күндік карантинде болуы тиіс (үйде немесе қонақ үйде өз есебінен).
Өзбекстаннан келген жолаушылар Қазақстанға келгеннен кейін 48 сағат ішінде коронавирус тексеретін тесттен немесе 14 күндік үйдегі карантиннен өтуі керек. Егер Қазақстанға кіргенде осындай анықтаманы алғанына 5 күн өтпеген жағдайда, оны Қазақстанда қайта алдырудың қажеті жоқ.
Карантиндік шектеулер кезеңінде Қазақстан аумағына кіру үшін шетелдік азамат Қазақстан тікелей әуе қатынасын қайта бастаған елдің азаматы болып, осы елден тікелей рейспен ұшып келуі немесе Қазақстан Республикасының ведомствоаралық комиссиясының шешіміне сәйкес келуге рұқсаты болуы керек.
