ШҚО-да кезекші сыныпта оқитын төрт оқушы коронавирус жұқтырған
newtimes.kz
Шығыс Қазақстан облысында кезекші сыныптарда оқитын төрт оқушы коронавирус инфекциясын жұқтырды, деп хабарлайды zakon.kz.
1 қыркүйектен бастап Шығыс Қазақстан облысында балалардағы коронавирус инфекциясының 4 жағдайы тіркелді, деп хабарлайды Atameken Business телеарнасы.
Шемонаиха ауданында 4-сыныптың екі оқушысы, Көкпекті ауданының 11-сынып оқушысы және Алтай ауданының 2-сынып оқушысы вирус жұқтырған. Барлық жағдайлар шағын жинақы мектептерден анықталды.
Вирус мектептегі медициналық жәрдем пункттеріне оқушылар суық тию белгілерімен шағымдануы кезінде анықталды. КВИ анықталған мектептер 14 күнге карантинге жабылды. Санитарлық дәрігерлер инфекцияның ошағы болып табылатын мектеп оқушыларын қашықтықтан оқытуға көшіру туралы қаулы шығарды. Вирус анықталған барлық мектептерде эпидемияға қарсы және дезинфекциялық шаралар жүргізілді.
Бір күн бұрын Денсаулық сақтау министрлігі Қазақстанда коронавирустың алғашқы фактісі кезекші сыныптарда тіркегені туралы хабарлады.
