Жаңалықтар тізбегі
0

Президенттің қайда екенін білмеймін – Омурбек Суваналиев

president.kg president.kg
Омурбек Суваналиев Қырғызстанның күш құрылымдары координациясына кірді

"Бутун Кыргызстан" партиясы атынан Жогорку Кеңеш депутаттығына үміткер болған Омурбек Суваналиев соңғы оқиғаларға байланысты елді Қырғызстанның күш құрылымдары үйлестіреді деп мәлімдеді.

Ол Азаттықтың қырғыз қызметіне берген сұқбатында Қырғызстанның қауіпсіздік кеңесі хатшысының орынбасары қызметіне қайта кіріскенін, қоғамдағы тәртіпті бақылау үшін шаралар енгізе бастағанын жеткізді.

"Қазір президенттің қайда екенін білмеймін. Бірақ қауіпсіздік кеңесі хатшысының орынбасары ретінде заңды жұмыс жүргізіп жатырмын. Қазір елдегі тәртіп мен қауіпсіздік жағын үйлестіріп жатырмын. Мелис Турганбаев ("Замандаш" партиясы атынан депутаттыққа үміткер болған – ред.) Жазаны орындау мемлекеттік қызметіндегі жұмысына кірісіп кетті. Ал Бішкек коменданты ретінде Курсан Асановқа уақытша сенім арттық", - деді Омурбек Суваналиев.

Курсан Асанов пен Омурбек Суваналиев "Бутун Кыргызстан" партиясы атынан сайлауға қатысқан. 2019 жылы Курсан Асанов "милиция мүддесін сатты" деген айыппен ішкі істер министрінің орынбасары қызметінен босатылып, оған үш бірдей қылмыстық іс қозғалған.

Әлеуметтік желі мен БАҚ-та Бас прокурордың міндетін атқарушы болып Алмамбет Шыкмаматов тағайындалғаны хабарланды. Ол "Бир Бол" партиясы атынан депутаттыққа үміткер болған.

Қырғызстанда орталық алаңда 5 қазанда парламент сайлауының нәтижесімен келіспеген халық митингке шыққан. Олар сайлау нәтижесін жойып, қайта сайлау өткізуді талап етті. Түнге қарай наразы халық Ақ үйді басып кірді. Кейін Мемлекеттік қауіпсіздік комитеті ғимаратын басып алды.

Қырғызстан президенті Сооронбай Жээнбеков саяси күштер елдегі "бейбітшілік пен тұрақтылықты" сақтайды деген үмітін жеткізген. Бұл жөнінде оның баспасөз хатшысы Толгонай Стамалиева хабарлады. Оның айтуынша, мемлекет басшысы Бішкекте.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз