Үкіметте Алматы ЖЭО-2 газдандыру жобасы мақұлданды
![ales.kz, сурет - Zakon.kz жаңалық 20.10.2020 21:25](https://kaz.zakon.kz/pbi/WEBP/2023-12-20/file-72db7926-4be5-4cac-99ba-27c172b2b4a1/800x452.webp)
ҚР Премьер-Министрі Асқар Маминнің төрағалығымен өткен кеңесте Алматы ЖЭО-2 жаңғырту жобасы бойынша шешім қабылданды, деп хабарлайды zakon.kz primeminister.kz-ке сілтеме жасап.
Қоғамдық пікірді ескере отырып, жылу электр станциясын жаңғыртудың қарастырылған төрт нұсқасынан қолданыстағы энергетикалық қазандық агрегаттарын реконструкциялау жолымен ЖЭО-2-ні көмірден газға ауыстыру мақұлданды.
ЖЭО газдандырудың таңдалған нұсқасы қолда бар жеткізу және бұру инфрақұрылымын пайдалануға мүмкіндік береді. Бұл ретте қоршаған ортаға әсері барынша азайтылады – күкірт тотығының, күлдің шығарындылары болмайды, азот тотығының және көмірқышқыл газы шығарындыларының деңгейі төмен.
Жоба 2025 жылдың соңына қарай кезең-кезеңімен жүзеге асырылады.