Тексеру жүргіздік. Селтанов кінәсіз полицей – Түркістан облысы ПД
nege.kz
Әлеуметтік желілерде Ордабасы аудандық полиция бөлімінің бұрынғы басшысы полиция полковнигі Бауыржан Селтанов 2018 жылы Абай ауылында зорланған 7 жасар баламен болған оқиғаға қатысы болуы мүмкін деген жалған ақпарат таратылуда, деген мәлімдеме таратты ТО Полиция департаментінің баспасөз қызметі.
Олар Селтановтың полициядан шығарылғаны туралы ақпаратты жоққа шығарады.
Абай ауылындағы жағдайдан кейін ол өз бетінше қызметінен кету туралы шешім қабылдағанын және Ордабасы АПБ бастығы лауазымына ауыстырылғанын хабарлағымыз келеді.
Сонымен қатар, құқық қорғау органдарының мүдделі өкілдері полиция полковнигі Б.Селтановқа қатысты ҚР ҚК 362-бабының 1-бөлігі "қызмет бабын теріс пайдалану" бойынша 2018 жылы жан-жақты тексеру жүргізгенін атап өткен жөн. Полиция полковнигі Б.Селтановқа қатысты айтылған уәждер өз дәлелдерін таппады.
2020 жылғы наурызда ҚР Ішкі істер министрлігі басшылығының келісімімен Түркістан облысы ПД бастығы, полиция генерал-майоры Қ.Дәлбековтың бұйрығымен Түркістан қаласы полиция басқармасының бастығы болып полиция полковнигі Бауыржан Селтанов тағайындалды.
Түркістан қ. ПБ бастығы қызметіне полковник Б.Селтановтың келуімен облыс орталығында жедел жағдай тұрақтанды, әкімшілік құқық бұзушылықтар саны азайды және қылмыстардың, оның ішінде қоғамдық орындар мен көшелердегі қылмыстардың ашылуы жақсарды.
Сондай-ақ, Түркістан қ.ПБ басшылығының бастамасы бойынша тұрақты негізде жеке құрам арасында тәртіпті арттыру және полицияның кейбір арсыз қызметкерлерінен полиция қатарларын тазарту бойынша жұмыстар жүргізілуде.
