Алматыда кинотеатр мен ойын-сауық орталықтары жұмысына рұқсат берілді

ticketon.kz

Бұл туралы Бекшин өз мәлімдемесінде айтты.

Алматы қаласының бас санитарлық дәрігері Жандарбек Бекшин кинотеатрлар мен ойын-сауық бөлімі бар сауда орталықтарының жұмыс істеуіне рұқсат берді, деп хабарлайды zakon.kz.

Алматы әкімдігінде өткен брифингте Бекшиннен неге Ақтау мен Атырауда кинотеатрлардың жұмыс істеуіне рұқсат етілгені, ал Алматыда оның әлі күнге дейін неге жабық екендігі сұралды.

- Әрине, мен бұл аймақтардағы әріптестерімнің жұмысына баға бере алмаймын, өйткені бұл өте шетін сұрақ, бұл ұсақ-түйек мәселе емес. Біз бұл мәселені мұқият зерттедік, өйткені бұл халықтың, ел азаматтарының денсаулығы үшін маңызды. Біз бизнес пен өмір қауіпсіздігі тепе-теңдігін табуға тырысамыз, өйткені вирус келесі жылы да бізді мазалайтын болады. Біз бизнес тарапынан да, азаматтар тарапынан да барлық қауіпсіздік шараларын сақтауымыз керек. Соңғы сәтке дейін біз жағдайдың қаншалықты қауіпсіз екенін түсінуіміз керек, талдауды ескере отырып, біз бүгін алгоритм бойынша кинотеатрлар мен сауда орталықтарының жұмысына рұқсат бере алатынымыз туралы шешім қабылдадық, - деп жауап берді ол.

19 қазанда коронавирустың таралуын болдырмау жөніндегі ведомствааралық комиссия еліміздегі эпидемиологиялық жағдайға байланысты тұрақты "жасыл" аймақтардағы кинотеатрлардың жұмысын қалпына келтіруге рұқсат беру туралы шешім қабылдады.

Оқи отырыңыз