Назарбаев Қазақстан Халқы Ассамблеясының қызметіне баға берді

Ақорда

Қазақстанның осы саладағы саясаты барлық қабылданған халықаралық стандарттарға сәйкес келеді.

Қазақстанның Тұңғыш Президенті Нұрсұлтан Назарбаев Қазақстан Халқы Ассамблеясының қызметіне баға берді, деп хабарлайды zakon.kz.

"Ширек ғасырда ассамблея жемісті консультативтік-кеңесші органнан парламенттік өкілдері бар бүкілхалықтық институтқа айналды. Ол азаматтық қоғамның әмбебап құрылымының барлық жақсы жақтарын өзіне жинақтады, достық, бейбітшілік, тыныштық және сенім Қазақстанның қоғамдық өмірінің ажырамас бөлігі болуына маңызды үлес қосты. Бұл біздің тәуелсіздігімізді дамытудың және ұлтты қалыптастырудың бастапқы шарты болды", - деді Назарбаев ҚХА Кеңесінің отырысында.

Бұл жетістікке, оның айтуынша, ең алдымен, біздің еліміздің барлық азаматтарының арқасында қол жеткізілді.

Ол этносаралық, конфессияаралық келісімді бұзатын кез келген әрекет конституцияға қайшы деп санайтын заңдар қабылданғанын еске түсірді.

- Осылайша біз барлық азаматтардың құқықтарын қорғаймыз. Қазақстанның осы саладағы саясаты барлық қабылданған халықаралық стандарттарға сәйкес келеді. БҰҰ, ЕҚЫҰ сияқты ұйымдар біздің этносаралық қатынастар моделіне және ұлт бірлігін нығайтуға бағытталған күш-жігерімізге әрдайым жоғары баға беріп отырады және өз жұмысымызды басқаларға үлгі етеді, - деп түсіндірді Қазақстанның Тұңғыш Президенті.

Елбасы қоғамдық сананы модернизациялау үшін "Рухани Жаңғыру" атты бағдарлама іске қосылғанын еске салды, оның мақсаты біздің халқымыздың санасын, ойлау жүйесін және өмірін қазіргі жаңа жағдайға қарай өзгерту.

- Мұны тереңнен түсіну керек, бәріміз - аға буын, орта буын, Кеңес өкіметі жағдайында бір идеологияда, әртүрлі психологиялық жағдаймен. бағыттармен өмір сүрдік. Енді өмір толығымен өзгерді, тәуелсіздік жылдарында дүниеге келген қоғамға жаңа ұрпақ қосылды. Сондықтан, осының бәріне қайта қарап, уақытқа сай болу керек. Бұл болашақтың міндеттерін түсіну мен ойлау тәсілінің санасындағы өзгеріс, - деді Нұрсұлтан Назарбаев.

Оқи отырыңыз