Коммунистер "Халық партиясы" деген атаумен Мәжіліс сайлауына түседі

Партия ребрендинг жасап жіберді.

Нұр-Сұлтанда Қазақстанның коммунистік халықтық партиясының кезектен тыс съезі өтті, деп хабарлайды zakon.kz тілшісі.

– Елде саяси және әлеуметтік-экономикалық ахуалды өзгертуге сұраныс жоғары, саяси үрдістерге араласу қажеттігі туындап отыр. Соған байланысты ребрендинг жасап, Қазақстанның коммунистік халықтық партиясының атауын Қазақстанның халық партиясы деп өзгерту ұсынылды", – деді ҚКХП басшысы Айқын Коңыров.

Осылайша, енді "Қазақстанның халық партиясы" пайда болып отыр.

Сонымен бірге, ҚР Парламент Мәжілісіндегі Народные коммунисты фракциясының атауы да "Халық партияның фракциясы" деп өзгеретін болды.