Желіде тағы да көктен "у шашты" деген ақпарат тарай бастады
![stopfake.kz, сурет - Zakon.kz жаңалық 19.11.2020 23:39](https://kaz.zakon.kz/pbi/WEBP/2023-12-20/file-3b58a23a-e9ed-4567-999b-fedc9e4bd8ca/800x452.webp)
Желіде көктен "химикат шашты" деген сипаттағы видео тарауда. Бұл жолғы видеодағы "у шашушы" ұшақ Солтүстік Қазақстан облысы көгінен байқалған-мыс делінеді, деп хабарлайды zakon.kz
Stopfake.kz, шын мәнінде, бұл видеоның 2012 жылдың желтоқсанында түсіріліп, YouTube-та жарияланғанын айтады. Ту-204 ұшағының көкке көтерілген сәті Якутскіде түсірілген. Сол кезде ауа температурасы 45 градус аяз болған.
Оның артынан қалған із инверсия немесе конденсация деп аталады. Ол конденсацияланған ылғалдың – атмосфераның белгілі бір бөлігінже ұшу аппараттары соңынан атмосферада қалыптасатын тамшылар немесе мұз кристалдар.
– Бұл құбылыс тропосфераның жоғарғы қабаттарында жиі орын алады, ал тропопауза мен стратосферада өте сирек байқалады. Ауа температурасы төмен болғанда шағын биіктіктерде де байқалуы мүмкін, – делінген Википедияда.
Желі қолданушылардың ұшақтардың конденсациялық іздерін химикатпен шатастыруы бірінші рет емес.