Елімізде коронавирус пен пневмониядан тағы 10 адам көз жұмды
![ҚР ДСМ, сурет - Zakon.kz жаңалық 27.11.2020 16:17](https://kaz.zakon.kz/pbi/WEBP/2023-12-20/file-c6c40c7a-5c35-424f-8700-4f22d78f7bf1/800x452.webp)
Бір тәулік ішіндегі коронавирус пен пневмония бойынша кісі өлімінің статистикасы жарияланды, деп хабарлайды zakon.kz.
Денсаулық сақтау министрлігінің мәліметінше, өткен тәулікте коронавирус инфекциясының салдарынан 5 адам, КВИ белгілері бар пневмониядан 5 адам қайтыс болды.
Пандемия басталғаннан бері 2013 адам коронавирустан, ал 1 тамыздан бастап 439 адам пневмониядан қайтыс болды.
Қазіргі уақытта 11 816 адам коронавирус инфекциясынан ем-дом алып жатыр, оның 781-і - балалар. Ауруханаларда 3 276 науқас, ал амбулаториялық деңгейде 8 540 науқас бар. 208 адамның жағдайы ауыр, 31-інің денсаулығының жағдайы өте ауыр деп бағаланады, 30 науқас жасанды тыныс алу аппаратына қосылған.
Бір тәулік ішінде 161 қазақстандық коронавирус белгілері бар пневмонияға шалдықты, ал 73 одан емделіп, сауықты. 1 тамыздан бастап КВИ белгілері бар пневмонияның 41 756 дерегі тіркелді.