Жаңалықтар тізбегі
0

Мамин ЕАЭО-дағы инвестициялық қызметті күшейтуді ұсынды

primeminister.kz primeminister.kz
Премьер-Министр ЕАЭО аясындағы инвестициялық қызметтің ішкі әлеуетін арттыру жөніндегі жұмысты күшейтудің маңыздылығын атап өтті.

ҚР Премьер-Министрі Асқар Мамин Еуразиялық үкіметаралық кеңестің (ЕҮАК) отырысына бейнеконференция байланысы режимінде қатысты, деп хабарлайды zakon.kz primeminister.kz-ке сілтеме жасап.

Үкімет басшысы Еуразиялық экономикалық одақта және одан тыс жерлерде сауданың көлемі мен тұрақтылығын арттыру қажеттігін атап өтті, бұл ЕАЭО-ның еркін сауда аймағы туралы келісімдері бар елдердің тізімін кеңейтуді талап етеді.

Премьер-Министр ЕАЭО аясындағы инвестициялық қызметтің ішкі әлеуетін арттыру жөніндегі жұмысты күшейтудің маңыздылығын атап өтті.

"Бұл процесте негізгі мақсаты ЕАЭО-ға мүше мемлекеттердің экономикалық өсуіне ықпалдасу және инвестициялық қызметті жүзеге асыру арқылы сауда-экономикалық байланыстарды кеңейту болған Еуразиялық даму банкі бірінші кезектегі рөлді атқаруы тиіс", – деді А. Мамин.

Үкімет басшысы ЕАЭО-да қабылданатын барлық шешімдердің бизнесті дамытуға, ЕАЭО елдері бюджеттерінің шығыстарына және жалпы алғанда экономикалық көрсеткіштерді жақсартуға әсерін міндетті сандық және сапалық бағалауды енгізуді ұсынды.

Отырысқа қатысушылар Еуразиялық экономикалық интеграцияны дамытудың 2025 жылға дейінгі стратегиялық бағыттарын, мемлекеттік (муниципалдық) сатып алу мақсаттары үшін тауарлардың жекелеген түрлерінің шығарылған елін айқындау қағидаларын, ЕАЭО ішкі нарығында 2021-2022 жылдары жойылуы тиіс алып тастау және шектеулер тізбесін, бірыңғай кедендік-тарифтік реттеу мәселесін, сондай-ақ ЕАЭО аясында құрылыс саласында көрсетілетін қызметтердің бірыңғай нарығының жұмыс істеуін қамтамасыз ету жөніндегі іс-шаралар жоспарын қарады.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: