Вакцинаны алдымен депутаттарға салайық деген ұсыныс шықты

Sanzhar Bokayev деген блогердің жазбасы қазақстандықтарға ұнағаны сонша, 600-ге жуық адам "лайк" басыпты, деп хабарлайды zakon.kz.

Премьер-министр Асқар Мамин Қазақстанда жасалатын ресейлік "Спутник V" вакцинасы бірінші кезекте медициналық қызметкерлер, педагогтер мен студенттерге салынады десе, Санжар Боқаев бұл шешіммен келіспейді екен.

Биліктің медициналық қызметкерлер, педагогтер мен студенттерді таңдағаны тегін емес-ау. Өйткені олар қарсыласа алмайтын болар? Сосын оларды вакцинациялауға мемлекеттен ақша бөлінеді, ал одан коммерциялық табыс көретіндер баяғы бәрімізге белгілі миллиардерлер емес пе?

Осылай деген Боқаев өзінің нақты ұсынысын жайып салды.

Ең алдымен ҚР Парламентінің жаңа шақырылымдағы депутаттарына вакцина салайық. Тіпті солар үшін ресейлік "Спутник" вакцинасының 157 данасын өз қалтамнан сатып алуға дайынмын. Елімізге жанымыз ашыса, бірінші кезекте депутаттардың қамын ойлайық. Медиктер, педагогтер мен студенттердің бәрі вакцина салдырып болғанша олар көп күтіп қалады. Бар жақсыны бірінші халықтың өкілдеріне – депутаттарға беру керек!

P.S. Кейін Американың нашар вакцинасын біздің дәрігерлер, педагогтер мен студенттерімізге, басқа да азаматтарымызға асықпай ала жатармыз.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021