АҚШ Беларусьтың ОМОН-ы мен ҰҚК-сіне санкция салды
TORG NEWS
АҚШ-тың Қаржы министрлігі Беларусь Орталық сайлау комиссиясына, арнайы жасаққа, мемлекеттік қауіпсіздік комитетіне және Минск қаласы ОМОН-на қарсы санкциялар енгізді, деп хабарлайды zakon.kz.
Олар, негізінен, елдегі "демократиялық процестер мен институттарды бұзды" деп айыпталады. Тиісті мәлімдеме агенттіктің сайтында орналастырылған.
"Қара тізімде" Ішкі істер министрлігі басшысының орынбасары Геннадий Казакевич, КГБ "Альфа" отряды, Минск қалалық атқару комитетінің орталық ішкі істер басқармасы, Минск қаласы арнайы полиция отряды, сондай-ақ Беларусь Орталық сайлау комиссиясы да жүр.
Санкция осы тізімге енгендердің барлығының Америка Құрама Штаттарындағы активтерінің бұғатталуын және Америка азаматтарына осы тізімдегі адамдармен кез келген кәсіптік байланысына тыйым салуды білдіреді.
ТАСС хабарлағандай, АҚШ Беларусьтегі "демократияға нұқсан келтіруге" қатысы бар 39 адамға қатысты визалық шектеулер енгізді, деп мәлімдеді Мемлекеттік хатшы Майкл Помпео. Жалпы алғанда, шектеу шаралары 40 жеке тұлғаға және төрт беларусь ведомствасын қамтиды.
Бұған дейін, 17 желтоқсанда ЕО Беларуссияға қарсы "азаматтық қоғамға қарсы репрессиялардың жалғасуына" байланысты үшінші санкциялар пакетін мақұлдағаны хабарланған.
