Тоқаев Қазақстан қоғамындағы әділетсіз жүйені жеңуге көмектеседі

kolesa.kz

Кез-келген істе әділдік қағидатын басшылыққа алу керек еді.

Президент Қасым-Жомарт Тоқаев "Egemen Qazaqstan" газетінде жарияланған "Тәуелсіздік бәрінен қымбат" атты мақаласында әділетті қоғам мен тиімді мемлекет құруда қандай дүниелер басшылыққа алынатынын айтты, деп хабарлайды Egemen.kz.

"Біз әділетті қоғам мен тиімді мемлекет құруды көздеп отырмыз. Кез-келген істе әділдік қағидатын басшылыққа алсақ, бұған анық қол жеткіземіз. Мысалы, тұрғындардың тұрмысын жақсарта түспесек, еліміздің жетістіктері мен халықаралық табыстарын мақтан ету артық. Азаматтарымыз экономикалық өсімнің игілігін сезіне алмаса, одан еш қайыр жоқ. Мен әрбір шешімді қабылдар сәтте осы ұстанымды басшылыққа аламын. Біз халықтың әлеуметтік жағдайын жақсартумен қатар, барлық азаматтардың мүддесін бірдей қорғаймыз. Менің ұғымымдағы әділетті мемлекет дегеніміз – осы", - деп жазды Қ.Тоқаев.

Оқи отырыңыз