Бас прокуратура желідегі сайлау туралы даулы видеоға қатысты түсінік берді

Құзіретті орган бұқаралық ақпарат құралдарын немесе телекоммуникация желілерін пайдалана отырып, әдейі жалған ақпарат таратқаны үшін, қоғамдық тәртіпті бұзу қаупін туғызғаны үшін Қылмыстық кодекстің 274-бабы бойынша қылмыстық жауапкершілік қарастырылғанын еске салды.

Сайлауда заңбұзушылықтың басталып кеткені туралы видео Қазақстанда түсірілмеген, деп мәлімдеді брифингте ҚР Бас Прокурорының аға көмекшісі Азамат Сарғазин, деп хабарлайды zakon.kz.

- Бүгін Facebook-ке "Алмас Байқадамов" деген желі қолданушысы сайлау комиссиясының мүшесі-мыс бір әйелдің бірнеше бюллетеньді дауыс беру жәшігіне салып жатқан видеоны жүктеп, оның астына "Қазақстанда фальсификация басталды" деп жазған. Алайда материалдарды зерттеу нәтижелері бұл бейнероликтің Ресейдің бір елді-мекеніндегі сайлау учаскесінде түсірілгенін көрсетті, - дейді Сарғазин.

Ол бұқаралық ақпарат құралдарын немесе телекоммуникация желілерін пайдалана отырып, әдейі жалған ақпарат таратқаны үшін, қоғамдық тәртіпті бұзу қаупін туғызғаны үшін Қылмыстық кодекстің 274-бабы бойынша қылмыстық жауапкершілік қарастырылғанын еске салды.

Сайлау процесінің заңдылығын сақтауды қадағалау жоғары деңгейде жүзеге асырылуда, - деді бас прокурордың аға көмекшісі.