СҚО-ның бас санитарлық дәрігері жаңадан тағайындалды
inform.kz
Солтүстік Қазақстан облысында санитарлық-эпидемиологиялық бақылау департаментіне жаңа басшы тағайындалды, деп хабарлайды zakon.kz ҚазАқпарат ХАА-ға сілтеме жасап.
Департаменттің баспасөз қызметінің хабарлауынша, 39 жастағы Әсет Жұматаев осы тағайындауға дейін Петропавл қалалық санитарлық-эпидемиологиялық бақылау бөлімін басқарған. Жұматаев Қарағанды мемлекеттік медицина академиясын профилактикалық медицина мамандығы бойынша бітірді.
2007-2019 жылдары Аққайың ауданы бойынша мемлекеттік санитарлық-эпидемиологиялық қадағалау бөлімінің бас маманы, санитарлық-гигиеналық бөлімінің бастығы және сол ауданның қоғамдық денсаулық сақтау бөлімінің бастығы болып жұмыс істеді.
Бұрын Санитарлық-эпидемиологиялық бақылау департаменті басшысы міндетін атқарушы болған Арман Күшбасов сол департамент бастығының орынбасары қызметіне ауысты.
