"Рұқсат сұрамайсың..". Жаңа жас министр депутаттарға ұнамай қалды

primeminister.kz

Мәжіліс спикері Нұрлан Нығматулин депутаттың пікірімен келісті.

Мәжіліс депутаты Берік Дүйсембинов Ұлттық экономика министрі Әсет Ирғалиевке мемлекеттік тілде жауап бере алмағаны үшін ескерту жасады, деп хабарлайды zakon.kz тілшісі.

Құрметті Әсет Арманұлы, бүгін Мәжіліс қабырғасында Сіз бірінші рет сөз алып отырсыз, өзіңізге тілек білдіруге рұқсат етіңіз. Қазақ тілінде қойылған барлық сұрақтарға рұқсат сұрамастан орысша жауап бере бересіз. Әрине, министр болғаныңыз үшін қуаныштымын әрі өзіңіз біздің Тәуелсіздігімізбен құрдас екенсіз. Мен өз тіліңізде жауап бермеуіңіз ұят жағдай деп санаймын. Сондықтан Сізге ескерту жасалады, келесі кездесуде сұрақтарға ана тілінде жауап беретін болыңыз, - деді депутат Берік Дүйсембинов Мәжіліс отырысында.

Мәжіліс спикері Нұрлан Нығматулин депутаттың пікірімен келісті.

Ұлттық экономика министрі Мәжілісте аудандық, қалалық және ауылдық басқару деңгейлерінің тәуелсіздігі мен жауапкершілігін кеңейту туралы заң жобасын бірінші оқылымға ұсынды.

Заң жобасы мақұлданды, бірақ фракциялардың бірі дауыс беруден қалыс қалды.

Оқи отырыңыз