Полиция қайтер екен? Ресей халқы 14 ақпанда "ақылды митингке" шығады
Gavriil Grigorov (TASS)
Ресейдің қамауда отырған оппозициялық саясаткері Алексей Навальныйды босатуды талап еткен кезекті митинг 14 ақпанда өтеді, деп хабарлайды zakon.kz centralasian.org-ке сілтеме жасап.
Осылай деп Навальныйдың аймақтық штабының жетекшісі Леонид Волков хабарлады.
Кезекті акция 14 ақпанда өтеді. Біз бүгін-ертең оның қалай өтетінін айтамыз. Бұл жолы басқаша форматта өтеді. Біз қулыққа барамыз, полициямен қақтығыспаймыз, - деді Волков.
Кейін акция форматы белгілі болды:
Навальный штабы Ресей тұрғындарын 14 ақпанда, кешкі 20:00-де жәй ғана есік алдына шығуға шақырады. Ұялы телефонындағы шамды қосып, жоғары көтеріп, бірнеше минут ұстап тұрсаңыз болды. Жүрекшелердің жанып тұруына да болады. Әлеуметтік желі ондаған ресейлік қалалардан жанып тұрған жүрекшерлерге толсын, - деп жазады Волков.
Сонымен бірге 14 ақпанда белсенділер Мәскеуде әйелдердің қатысуымен "Тілектестік мақсатын" ұйымдастырмақ. Бұл Юлия Навальная, ЛГБТ-белсендісі Юлия Цветкованы және ұсталған белсенділерді қолдау мақсатында өткізілмек.
23-31 қаңтарда және 2 ақпанда өткен наразылық шаралары полиция тарапынан жаппай күш көрсетумен, белсенділердің ұсталуымен аяқталды. Полиция электрошокерлер қолданды.
"Левада-центр" орталығының сауалнамасына сәйкес, Ресейдің әрбір бесінші тұрғыны Навальный әрекетін қолдайды.
