Қай министрліктер бюджет ақшасын уақтылы игермей жатыр?
pexels.com
ҚР Қаржы министрі Ерұлан Жамаубаев 2021 жылғы қаңтарға арналған республикалық және мемлекеттік бюджеттердің шығыстар жоспарының орындалуы барысын баяндады, деп хабарлайды zakon.kz тілшісі.
Мемлекеттік бюджеттің шығыстары 91%, республикалық - 94,4%, жергілікті бюджеттер - 80,6% орындалды.
Республикалық бюджетке 1 триллион 212 миллиард теңге көлемінде шығын жұмсалды. Орындалмағаны 72 миллиард теңгені құрады, оның 7 миллиард теңгесі үнемдеуге жатады. Игерілмегені - 65 миллиард теңге, - деді Қаржы министрлігінің басшысы.
Өте қомақты қаражатты Қаржы министрлігі, Цифрлық даму, инновация және аэроғарыш өнеркәсібі министрлігі, төтенше жағдайлар министрлігі, білім және ғылым министрлігі және мәдениет және спорт министрлігі игермеген.
Оның негізгі себептерінің бірі: мақұлдауға берілген төлем құжаттарының ұзақ жатып қалуы, орындалған жұмыс актілерін уақтылы ұсынбау, нақты көрсетілген қызмет көлеміне және орындалған жұмысқа ақы төленгендігі туралы құжаттарды, қазынашылық органдарына тіркеуге арналған келісімшарттар мен қосымша келісімдерді уақтылы ұсынбау .
Жергілікті бюджеттің шығындары 203 млрд теңгені құрады. Орындалмады - 49 миллиард теңге.
Биыл өңірлерге 1,9 трлн теңге көлемінде мақсатты трансферттер ұсынылды. 1 ақпандағы жағдай бойынша, оларға 32 млрд теңге бөлінді, оның 79,3% -ы жұмсалды. Орындалмағаны - 6 миллиард теңге, оның ішінде үнем - 2 миллиард теңге, игерілмегені - 4 миллиард теңге, - деп түсіндірді Жамаубаев.
Көбірек бюджет ақша игерілмеген келесі аймақтар: БҚО, Жамбыл, Ақмола, Атырау облыстары және Нұр-Сұлтан қаласы.
