ШҚО-да қауіпті жол учаскелеріне LED-экрандар орнатылды

Қауіпті учаскелерге бес LED-экран орнатылды.

Шығыс Қазақстан облысында жолдағы қауіпті учаскелерге LED-экрандар орнатылды, деп хабарлайды zakon.kz.

ШҚО ПД баспасөз қызметі жүргізушілердің жол жүрісі қағидаларын сақтауы және жол-көлік оқиғаларының алдын алу мақсатында қауіпті учаскелерге бес LED-экран орнатылғанын хабарлады.

"LED-экранда жүргізушілер елді-мекендерден шығар алдында жолдардың жай-күйі мен ауа-райы туралы соңғы ақпараттармен таныса алады. LED-экрандар "Өскемен – Алтай", "Омбы – Майқапшағай", "Өскемен – Риддер" тасжолдарына қойылған", - делінген облыстық ПД хабарламасында.

Айта кетсек, өткен айда өңір аумағында 64 жол апаты тіркелген. Соның салдарынан 12 адам көз жұмып, 82 адам түрлі дене жарақаттарын алды.