Наурыз айында Қазақстан халқы неше күн демалады
24.kz
2021 жылы наурыз айында қазақстандықтар 19 күн жұмыс істеп, 12 күн демалады, деп хабарлайды zakon.kz.
8 наурыз - Халықаралық әйелдер күні
Наурыз - көктем мен жаңару мейрамы (21-23 наурыз аралығында тойланады)
8 наурызда қалай демаламыз
Биылғы жылдың 8 наурызы дүйсенбіге келеді, сондықтан бұл мерекені қазақстандықтар 3 күн - 6,7,8 наурыз (бес күндік жұмыс аптасы болса) атап өтеді.
Алты күндік жұмыс аптасы үшін демалыс күндері 7 және 8 наурыз болып саналады.
әз Наурыз мейрамы
Ұлыстың үлы күнін тойлауда бірінші күні жексенбіге сәйкес келеді, сондықтан бұл күн үшін демалыс 24 наурызға, яғни сәрсенбіге ауыстырылды.
Сонда қазақстандықтар Наурыз мейрамында биыл 5 күн - 20, 21, 22, 23, 24 наурызда (бес күндік жұмыс аптасы болса) демалады.
Алты күндік жұмыс аптасы үшін демалыс күндері 21, 22, 23, 24 наурызға келіп түседі.
Сонда 25 наурыз, бейсенбі жұмыс күні болып саналады.
