Жаңалықтар тізбегі
0

Мәжіліс ЕАЭО-ның темекі өнімдері акциздері келісімін мақұлдады

ҚР Ұлттық экономика министрлігі ҚР Ұлттық экономика министрлігі
Акциздер мөлшерлемелерін жақындастыру 2024 жылдан бастап жүзеге асырылатын болады.

ҚР Парламенті Мәжілісінің депутаттары "Еуразиялық экономикалық одаққа мүше мемлекеттердің темекі өнімдеріне акциздер саласындағы салық саясатын жүргізу қағидаттары туралы келісімді ратификациялау туралы" заң жобасын бірінші оқылымда мақұлдады, деп хабарлайды zakon.kz.

Келісім жобасында 2024 жылдан бастап индикативтік мөлшерлеме мен одан ауытқу диапазондарын қолдану; ЕЭК Кеңесіне акциздердің индикативтік мөлшерлемелерін бекіту және негізделген экономикалық орындылығы болған жағдайда оларды өзгерту бойынша өкілеттіктер беру көзделеді, - деді Мәжілістің пленарлық отырысында ҚР Ұлттық экономика министрі Әсет Ерғалиев.

Акциздер мөлшерлемелерін жақындастыру 2024 жылдан бастап жүзеге асырылатын болады. Әрбір бес жыл сайын бірыңғай индикативтік мөлшерлеме және одан ауытқу диапазоны белгіленеді.

Ұлттық экономика министрі хабарлағандай, 2024 жылы сигареттерге қатысты индикативтк мөлшерлеме 1000 дана үшін 35 еуроға баламалы мөлшерде ұлттық валютада белгіленген. Үйлесімділікке қол жеткізу мақсатында сигареттерге арналған акциздердің нақты мөлшерлемелері 2024 жылы индикативтік мөлшерлемеден 20 проценттен аспай, аз жағына және көбірек жағына ауытқуы мүмкін.

Заң жобасы темекі өнімдеріне арналған акциз мөлшерлемелерінің ұлғаюы есебінен бюджетке қосымша түсімді қамтамасыз етеді. Келісім Еуразиялық экономикалық одаққа мүше мемлекеттердің аумағында темекі өнімдерінің акцизін салу саласында бірыңғай практика қолдануды қамтамасыз етуге мүмкіндік береді, - деді Әсет Ерғалиев.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: