Алматыда Наурыз бен мерекелік корпоративтерге тыйым салынды
![youtube.com, сурет - Zakon.kz жаңалық 11.03.2021 15:26](https://kaz.zakon.kz/pbi/WEBP/2023-12-20/file-ac26c516-ebb4-4413-bbeb-152a3045c9fa/800x452.webp)
Алматы қаласында коронавирустық инфекциясының таралуын алдын алу шараларын күшейту туралы жаңа қаулы шықты, деп хабарлайды zakon.kz.
Шектеу шараларына сәйкес:
Топтық іс-шараларды, көрмелерді, форумдарды, конференцияларды, сондай-ақ отбасылық іс-шаралары (банкеттер, үйлену тойлар, мерейтойлар, еске алу), оның ішінде үйде және адамдар көп жиналатын өзге де іс-шараларды өткізуге тыйым салу сақталады;
"Наурыз" және басқа да мерекелік корпоративтерді ұйымдастыруға және өткізуге тыйым салынады;
Боулинг орталықтары, компьютерлік клубтар ("Ashyq" пилоттық жобасына қатысатын объектілерді қоспағанда), бильярд, караоке, батуттар, түнгі клубтар, букмекерлік кеңселер, лото және ойын клубтары, жабық үй-жайлардағы ойын алаңдары мен аттракциондар, оның ішінде спорт объектілерінде орналасқандарды қоспағанда, мұз және роликті мұз айдындарына баруға тыйым салынады.
Қоғамдық көлікке, таксиге, метроға, әуежайларға, т/ж және авто - вокзалдарға, аула балалар алаңдарына, азық - түлік және азық-түлік емес базарларға және басқа да қоғамдық орындарға санитариялық және дезинфекциялық өңдеу жүргізіледі;
Оффлайн режимде жиналыстар (кеңестер) өткізуге тыйым салынады;
Коронавирустың жеңіл немесе орташа және симптомсыз түрімен ауыратын науқастардың үй карантинін сақтау мүмкіндіктері болмаса, ауруханаға жатқызылады.
Қаулы 2021 жылғы 13 наурызда күшіне енеді.