Еліміздің алты өңірінде ауа-райына байланысты ескерту жарияланды

Атап айтқанда, Ақмола, Ақтөбе, Атырау, СҚО, БҚО, Қостанай облыстары бойынша.

7 сәуірде Қазақстанның алты облысында ауа-райының қолайсыздығына байланысты ескерту жарияланды, деп хабарлайды zakon.kz.

Солтүстік Қазақстан облысының кей жерлерінде тұман түседі, көктайғақ болады деп күтіледі. Петропавлда тұман түседі.

Қостанай облысының кей жерлерінде тұман түседі, көктайғақ болады деп күтіледі. Күндіз жел оңтүстік-шығыстан 15-20 м / с қарқынмен соғады.

Ақмола облысында кей жерлерде тұман түседі деп күтіледі. Көкшетауда түнде және таңертең тұман болады.

Батыс Қазақстан облысында кей жерлерде тұман түседі деп күтіледі. Батыс, оңтүстік-батыстан соққан жел екпіні 15-20 м / с құрайды. Оралда түнде және таңертең тұман болады.

Ақтөбе облысында оңтүстік, оңтүстік-батыстан соққан жел екпіні 15-20 м / с құрайды.

Атырау облысында кей жерлерде оңтүстік-батыстансоққан жел екпіні 15-20 м / с құрайды. Түнде Атырауда оңтүстік-батыстан соғатын желдің екпіні 15-18 м / с болады деп күтіледі.