Ұлттық банк жаңа экономикалық зерттеуді жариялады

Зерттеулердің жариялануы ақпараттық асимметрияны төмендете отырып, Ұлттық банктің ашықтығы мен айқындығана да ықпал етеді.

Қазақстан Ұлттық банкі "Қазақстан үшін үлкен байестік векторлық авторегрессиялық модель құру" экономикалық зерттеуін жариялады, деп хабарлайды zakon.kz.

ҚР ҰБ Ақша-кредит саясаты департаменті директорының орынбасары Денис Чернявский атап өткендей, жұмыстың мақсаты – Қазақстанның макроэкономикалық көрсеткіштерін болжауда байес векторлық авторегрессионды модельдерін (BVAR-модельдерін) қолдану тиімділігін бағалау.

Бағаланатын BVAR- моделінің оңтайлы параметрлерін іздеу тест үлгісіндегі болжамдардың дәлдігі негізінде жүргізілді. Нәтижесінде қарапайым баламаларымен салыстырғанда Қазақстан үшін осы модельдерді қолданудың орындылығын эмпирикалық растау болды, - дейді ол.

Оның айтуынша, зерттеу жұмысында модельдерді қайта құруға мүмкіндік беретін және макроэкономикалық көрсеткіштерді талдау және болжау бойынша одан әрі пікірталасты ынталандыратын бастапқы код бар.

Зерттеу жүргізу – ақша-кредит саясаты бойынша шешімдер қабылдау кезінде талдау құралдарды күшейтуге арналған инфляциялық таргеттеу саясатының ажырамас бөлігі. Зерттеулердің жариялануы ақпараттық асимметрияны төмендете отырып, Ұлттық банктің ашықтығы мен айқындығана да ықпал етеді.

Зерттеудің толық мәтінімен танысқыңыз келсе, оған мына сілтеме арқылы өтуге болады.