Атырау облысында кәсіпорын 700 млн теңге салықтан жалтарды

Салық бюджетке қайтарылды.

ҚР Қаржылық мониторинг агенттігінің Атырау облысы бойынша Экономикалық тергеу департаменті нақты жұмыстар орындалмай және қызметтер көрсетілмей шот-фактураларды заңсыз жазып беру фактісін анықтады, деп хабарлайды zakon.kz.

Осылайша, облыс кәсіпорындарының бірінің басшысы 2015-2019 жылдар кезеңінде 700 млн теңгеден астам сомаға салық төлеуден жалтарған. Аталған факт салықтық тексеру материалдарымен расталған.

Қазіргі таңда салық төлеуден жалтару фактісі бойынша сотқа дейінгі тергеп-тексеру жүргізілуде, мемлекетке келтірілген залал өтелді.

Құрметті азаматтар! Егер сізге салық төлеуден жалтару фактілері мәлім болса, ҚР Қаржылық мониторинг агенттігіне: 8 [phone], Атырау облысы бойынша Экономикалық тергеу департаментіне: 8 [phone] сенім телефондары бойынша хабарласуыңызды сұраймыз.